Դաշնակցական մարզպետը՝ երկու քարի արանքում

Շիրակի մարզն իր Գյումրիով միշտ տարբերվել է Հայաստանի բոլոր վարչական շրջաններից: Ու տարբերությունն հատկապես ցցուն է ընտրական գործընթացի ժամանակ, երբ իշխող այս ու այն ուժը պարբերաբար պարտվում է: Վերջին տարիներին էլ պարտվողի դերում է հանրապետականը: Երևի թե հենց այդ է պատճառը, որ երբ Շիրակի մարզպետ է նշանակվում, շատերը սկսում են կատակել՝ հանրապետականը նոր զոհ է ընտրել, որովհետև Շիրակը բառիս բուն իմաստով դաժան փորձատարածք է:

Ոչ վաղ անցյալում հրաժարական տվեց ու պաշտոնից հեռացավ Շիրակի մարզպետ Աշոտ Գիզիրյանը՝ հանրապետականն էր պարտվել: Նրան հաջորդող Ցոլակյանն էլ փոխարինվեց դաշնակցական Հովսեփյանով՝ քաղաքական նոր խաղի կանոններից մեկն էր դա, որ կոչվեց կոալիցիոն համաձայնագիր:

Եվ այսպես, Հովսեփյանն եկավ, գործի անցավ, որից կարևորագույնը թերևս սպասվելիք ՏԻՄ ընտրություններն էին:

Շատերը ավելի քան համոզված էին, որ հանարպետականի բարեկամ դաշնակցականը պաշտպանելու է ՀՀԿ-ի թեկնածուին, սակայն ՀՅԴ հայտարարեց, որ մասնակցելու է սեփական ցուցակով, որն էլ գլխավորեց մարզում հայտնի բժիշտ Աշոտ Կուրղինյանը:

Այն, որ Գյումրին հազար ու մի ցավ ունի, գիտենք բոլորս, բայց որ քաղաքի դարդերը բուժելու համար բժիշկ էր պետք, այն էլ քաղաքական ճանապարհ չանցած, դա արդեն զարամանալի էր… 

ԼՈՒՐԵՐ․com-ի տեղեկություններով սա հատուկ քայլ էր, որով նախ պաշտպանվելու էր Հովսեփյանը՝ ունենալով սեփական թեկնածու նա պատասխանատու չէր լինելու հնարապետականի համար, ապա իրենց հավաքած անցողիկ միավորներով ստարելու էին ՀՀԿ-ին և կլիներ հեփի էնդ՝ կրկին Բալասանյանը հաղթող, Հովսեփյանն էլ՝ կրկին մարզպետ…
Չեղավ:

Գյումրում ՀՅԴ չունի պահանջված 6 տոկոսը:

2131 ձայնով նա պարտվածներից մեկն է:

Մեր աղբյուներն են նշում, որ ձայների հաշվարկից հետո Հովսեփյանը հայտարարել է, որ ամեն դեպքում իրեն չեն կպնի, ինքը կապ չունի ՀՀԿ-ի հետ:

Կրկին չեղավ:

Հովսեփայնի հաշվարկը սխալ էր:

Թեպետ ՀՀԿ-ն ունի պահանջված 17 ձայնն ու բնավ ՀՅԴ-ի աջակցության կարիքը չկա, սակայն ամեն դեպքում Հովսեփյանը պետք է պատասխան տա պարտված դաշնակցության համար՝ հրաժարականի տեսքով:

Անի Սահակյան