Սիրիայի ռազմական հետախուզության կենտրոնակայանում հզոր պայթյուն է իրականացվել

Պայթեցվել է Սիրիայի հյուսիսարևելյան Դեյր–Զոր քաղաքում գտնվող ռազմական հետախուզության կենտրոնակայանի տարածքում կայանված ավտոմեքենան։ Սիրիայի պետական լրատվամիջոցների հաղորդմամբ կան զոհեր, սակայն նրանց թիվը դեռևս անհայտ է։ 

Ընդդիմության ներկայացուցիչները հայտարարել են, որ պայթհունի կամզակերպիչները պետանվտանգության ծառայության ղեկավարներից մեկին սպանելու ցանկություն են ունեցել, հաղորդում է BBC Russian–ը։

Տարվա սկզբից Սիրիայի պետանվտանգության ծառայության և պետական այլ վարչական շեքների մոտակայքում մի քանի հզոր պայթյուններ են իրականացվել։

Անցյալ շաբաթ իրականացված մի քանի պայթյունների պատասխանատվությունը ստանձնել է «Ֆրոնտ ալ–Նուսրա» իսլամիստական խումբը։