Կաննի կինոփառատոնը մեծ սթրես է քաղաքի բնակիչների համար

Երեքուկես հազար լրագրող, տասը հազարից ավելի կինոգետներ, անթիվ տուրիստներ են ժամանել ֆրանսիական Կանն, որտեղ արդեն չորրորդ օրն է` ընթանում է Միջազգային կինոփառատոնը։ Սակայն տեղի բնակիչները միջոցառման օրերին շտապում են լքել քաղաքը։ 

Երբ խոլերայի համաճարակը անգլիական կանցլեր լորդ Հենրի Բրումին պարտադրեց փոքրիկ ձկնորսական քաղաքում, ինչից հետո նա սիրեց այն և տուն կառուցեց, նա չէր էլ կարող պատկերացնել, որ իր այդ քայլը ամբողջությամբ կփոխի Կաննի բնակիչների ճակատագիրը։ Այսոր` համարյա մեկ դար անց, քաղաքի ոչ բոլոր բնակիչները շնորհակալ կլինեին նրան այն բանի համար, որ լորդը Կաննը դարձրեց Եվրոպայի ամենամոդայիկ քաղաքներից մեկը։ Կանցլերի հետևից ֆրանսիական այդ փոքրիկ քաղաք տեղափոխվեց անգլիական ազնվականությունը, ռուսական իշխանները և աշխարհի տարբեր հատվածների գործարարները։ Արդյունքում քաղաքը դարձավ փողերի շրջանառության կենտրոն և մշտապես կորցրեց իր հանգիստը։ 

Այժմ տարվա 300 օրերին քաղաքում անց են կացվում փառատոններ, ցուցահանդեսներ։ Դրանցից ամենահայտնիներն են` Գովազդի միջազգային «Կաննի օրեր» փառատոնը, պիրոտեխնիկայի փառատոնը և այլն։ Սակայն ամենալայնամասշտաբ միջոցառումն, իհարկե, Կաննի Միջազգային կինոփառատոնն է։ Բառացիորեն մեկ օրվա ընթացքում քաղաքն ամբողջությամբ կերպարանափոխվում է։ 

Քաղաքի մշտական բնակիչները փառատոնի օրերին լքում են իրենց բնակարանները, քանի որ միջոցառումների շարքը մեծ սթրես է նրանց համար։ Իսկ այդ ընթացքում ողջ աշխարհի ուշադրությունը սևեռվում է ֆրանսիական այդ փոքրիկ քաղաքի վրա...