SuperJet-100–ի անձնակազմի ձայնագրությունը պահապանվել է

Ինդոնեզիայում վթարի ենթարկված ռուսական արտադրության Sukhoi SuperJet-100–ի տվյալների վերծանմամբ զբաղվող աշխատանքային խմբի ներկակայցուցիչները հայտնել են, որ օդանավի անձնակազմի ձայնագրված խոսակցությունների որակը բավականին բարձր է և ողջ խոսակցությունը անվնաս պահպանվել է, հաղորդում է Interfax–ը։

Օդանավի երկրորդ «սև արկղը» դեռ չի գնտվել. դրա որոնողական աշխատանքները դեռ շարունակվում են։

Հիշեցնենք, որ SuperJet-100 օդանավը վթարի էր ենթարկվել մայիսի 9–ին՝ Ինդոնեզիայում։ Նրանում գտնվել է 45 մարդ։