Բրազիլիայի նախագահը գումար կնվիրաբերի իրավապաշտպան կազմակերպությունների

Բրազիլիայի նախագահ Դիլմա Ռուսեֆը մտադիր է նվիրատվություն կատարել իրեն՝ որպես անցած դարի 1960-1980 թթ.-ի ռազմական դիկտատուրայի տարիներին խոշտանգումների ենթարկվածներին հասանելիք փոխհատուցումը տեղի իրավապաշտպան կազմակերպություններից մեկին:

Ինչպես հաղորդել է նախագահի աշխատակազմը, փոխհատուցումը կազմում է մոտ 10000 ԱՄՆ դոլար:

Դիլմա Ռուսեֆը 70-ական թվականներին անդամակցել է ընդդիմադիր խմբավորումներից մեկին, որի պատճառով ձեռբակալվել և ենթարկվել է խոշտանգումների: