Մեքսիկայում ձերբակալվել է Լոս Սետաս նարկոկարտելի անդամը

Մեքսիկայի իշխանությունները ձերբակալել են Լոս Սետաս նարկոկարտելի անդամին, ում կասկածում են Նուեվո-Լեոն նահանգում 49 մարդու սպանության մեջ, հաղորդում է BBC գործակալությունը։

«Գիժ» մականունով Դանիել Էլիսոնդոն ձերբակալվել է հատուկ գործողությունների արդյունքում, որի ընթացքում առգրավվել է նաև 4 տոննա մարիխուանա, և 140 միավոր զենք։

Մեքսիկայի ՊՆ տվյալներով, Էլիսոնդոն գլխավորում էր Լոս Սետասի՝ երկրի ամենաազդեցիկ նարկոկարտելներից մեկի տեղական մասնաճյուղը։

Մայիսի 13-ին ոստիկանությունը հայտնաբերել էր տղամարդկանց և կանանց այլանդակված մարմիններով լեցուն 43 պլաստիկե պարկեր՝ նետված հյուսիս-արևելյան Մոնտերեյ քաղաքի մոտակա մայրուղու մոտ։