Al Jazeera. Սիրիայում շարունակվում են հակակառավարական ցույցերը

Ինչպես հաղորդում են արաբական լրատվամիջոցները՝ Սիրիայում գործող իրավապաշտպան կազմակերպությունները հայտարարել են, որ ավելի քան քառասուն մարդ է զոհվել Սիրիայում վերջին օրերին տեղի ունեցած հակակառավարական ցույցերի ժամանակ։

Սիրիայի Դերա նահանգում տեղի ունեցած հակակառավարական ցույցերի ժամանակ անվտանգության ուժերի և ցուցարարաների միջև տեղի ունեցած բախումների հետևանքով՝ ըստ նախնական տվյալների, սպանվել է մոտ երեսուն մարդ, որից 16–ը եղել են զինվորականներ, իսկ մնացյալը ցուցարարներ։ Հիշեցնենք, որ Սիրիայում  հակակառավարական ցույցերը սկսվել են այս տարվա մարտ ամսից և ընդդիմությունը պահանջում է նախագահ Բաշար Ասադի հրաժարականը։