Չիկագոյի հռչակագրում անդրադարձ է արվել Լեռնային Ղարաբաղի հակամարտությանը
Արցախ
Չիկագոյում ընթացող ՆԱՏՕ-ի գագաթնաժողովի մասնակիցները հռչակագիր են ընդունել, որում անդրադարձ կա Լեռնային Ղարաբաղի հակամարտության կարգավորմանը, հաղորդում է tert.am-ը։
Հյուսիսատլանտյան դաշինքը կոչ է արել քաղաքական կամք դրսևորել ձգձգված հակամարտությունները լուծելու համար:
«Տարածաշրջանային հակամարտությունները Հարավային Կովկասում և Մոլդովայի հանրապետությունում շարունակում են մտահոգել Դաշինքին: Մենք կողմերին կոչ ենք անում կառուցողական մոտեցում ցուցաբերել և քաղաքական կամք դրսևորել գործող բանակցային ձևաչափերով հակամարտությունների խաղաղ լուծման համար»,- ասված է հռչակագրում:
ՆԱՏՕ-ն կոչ է արել կողմերին խուսափել այնպիսի քայլերից, որոնք կվտանգեն տարածաշրջանի կայունությունն ու անվտանգությունը:
«Մենք սատարում ենք Հայաստանի, Ադրբեջանի, Վրաստանի և Մոլդովայի տարածքային ամբողջականությանը, անկախությանն ու ինքնիշխանությանը: Մենք շարունակելու են ջանքեր գործադրել ՄԱԿ-ի կանոնադրության և Հելսինկյան եզրափակիչ ակտի հիման վրա տարածաշրջանային խնդիրների խաղաղ լուծման համար»,- ասված է հռչակագրում:
ՈՒՂԻՂ ԵԹԵՐ
Ամենադիտված 
Դերասանուհու որդին հիվանդանոցում մահացել է. որն էր եղել վեճի բուն պատճառը, ինչու էին կրակել նրան
