Ահմադինեժադին մեղադրել են սեռական սանձարձակության խթանման մեջ
Իրան
Իրանի խորհրդարանում ներակայացված կրոնական պահպանողական պատգամավորներից Ալի Մոթահարին նախագահ Մահմուդ Ահմադինեժադին մեղադրել է իր հանցավոր լռությամբ հասարակության վարքագծի վրա վատ ազդեցություն գործելու մեջ, հաղորդում է France-Presse–ը։
Իրանի խորհրդարանի պատգամավորը Ահմադինեժադին քննադատել է այն բանի համար, որ վերջինս չի մտածում այն արատավոր երևույթի մասին, որ շատ իրանցի կանայք փողոցներում քայլելիս անպատշաճ հագուստներ են կրում։
«Այդ առումով իրավիճակը շատ ողբերգական է։ Պատճառը նախագահի կողմից կատարվող թաքնված անկարգություններն են», – ասել է իրանցի պատգամավորը։
Ըստ նրա, Ահմադինեժադը և նրա աշխատակազմի ղեկավարն իրենց անգործությամբ թույլ են տալիս դեռահաս իրանցի աղջիկներին կարճ տաբատներ ու շրջազգեստեր կրել։
«Սա իսկական սեռական սադրանք է, որին կարող է հաջորդել գիշերային ակումբների և ժամանցի նման կենտրոնների բացումը», – ավելացրել է Մոթահարին։
Պատգամավորի նման քննադատական հայտարարության պատճառ է դարձել Ահմադինեժադի վերջին ելույթը, որում Իրանի նախագահը հայտարարել էր, որ ոստիկանությունը չափազանց մեծ եռանդ է ներդնում ժամանակակից հագնվող իրանցի կանանց պատժելու համար, որոնք նման քայլերի են գնում՝ անտեսլեով սեփական երկրի սովորույթները։
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
