Մսի գինը իջե՞լ է

«Ամանորի նախատոնական առևտուրը կազմակերպելու համար ունենք բոլոր հնարավորությունները»,- այսօր կայացած ասուլիսին վստահեցրեց գյուղատնտեսության փոխնախարար Գրիշա Բաղյանը։ Նա նշեց, որ, իհարկե, երբեմն առաջանում է անբավություն և նման դեպքերում պակաս մթերքները դրսից են ներկրվում:

Կապված մսի ներկայիս բարձր գների հետ՝ փոխնախարարը հայտարարեց. «Տավարի մսի գինը նվազել է՝ 3 հազար դրամից իջել է 2500-2800 դրամի»։ Լրագրողների այն դիտարկմանը, թե ե՞րբ է նման գնով տավարի միս վաճառվել, Գրիշա Բաղյանը պատասխանեց. «Ամառվա սկզբից տավարի միսն այդ գնով էր վաճառվում»: