Այսօր Մշակութային բազմազանության համաշխարհային օրն է

Արդեն իններորդ տարին է` ողջ աշխարհում մայիսի 21-ին նշվում է Հանուն երկխոսության և զարգացման մշակութային բազմազանության համաշխարհային օրը։ 

ՄԱԿ– ի Գլխավոր Ասամբելան 2002-ի դեկտեմբերի 20-ին թիվ 57/249 բանաձևով որոշում է կայացրել մայիսի 20-ը հռչակել Մշակութային բազմազանության օր և անդամ պետություններին, հասարակական կազմակերպություններին առաջարկել է հասարակությանը տեղեկություններ տրամադրել մշակութային բազմազանության կարևորության և արժեքի մասին։ 

Հայաստանում այսօր հասարակական կազմակերպություններից մեկը նախատեսում է իրականացնել «Բազմազանության շքերթ»։  Շքերթը կմեկնարկի 16:15-ին' «Կասկադ» համալիրից և կավարտվի 17:00-ին` Շառլ Ազնավուրի հրապարակում: Երթի երթուղին հետևյալն է' «Կասկադ» համալիր, Մաշտոցի պողոտա, Թումանյան փողոց, Հյուսիսային պողոտա, Աբովյան փողոց, Շառլ Ազնավուրի հրապարակ: Երթի ընթացքում երթի մասնակիցները տեղեկատվական նյութեր կբաժանեն անցորդներին։ 

Միջոցառումն ի գիտություն է ընդունված Երևանի քաղաքապետարանի կողմից։