Քննարկվում է 2012 թ.-ի բյուջեն

Այսօր` «Հենարան» ակումբում կայացած մամուլի ասուլիսի ժամանակ, Գագիկ Մելիքյանն ասաց, որ այսօր Ազգային ժողովում սկսվել են բյուջետային քննարկումները։ Նա ասաց, որ գործող իշխանությունների կողմից իրականացվող ֆինանսաական քաղաքականության արդյունքում՝ հնարավոր կլինի խուսափել հետագայում ճգնաժամային առավել դժվար փուլից։

Մելիքյանը նշեց, որ այժմ հնարավոր է ասել, որ երկիրը վերադառնում է կայուն զարգացման փուլին. առավել խոցելի փուլից մենք անցանք առավել ճկուն տնտեսական իրավիճակի։ 2011 թ.–ի ՀՆԱ–ի արդյունքից պարզ է դարձել, որ մենք խուսափել ենք ճգնաժամի ամենաբարձր կետից։

«Կարևոր եմ համարույմ բյուջեի հատկապես սոցիալական ուղղվածությունը։ Պետք է նշեմ, որ 2012 թ.–ին սոցիալական հատկացումներրն ընդհանուր բյուջետային ծախսերի 49 տոկոսն են կազմելու»,– ասաց Մելիքյանը։

Նա նշեց նաև, որ ուշադրություն է դարձվելու հատկապես սոցիալապես անապահով ընտանիքներին, կենսաթոշակառուներին։ Հատկացումներ են լինելու պաշտպանության, տնտեսության ճյուղերի, առողջապահությոն, կրթության և այլ ոլորտների համար։