«Չորրորդ ինքնիշխանություն». Երեկ ՀՅԴ Գերագույն մարմինը «դռնփակ» նիստ է անցկացրել

Երեկ երեկոյան ՀՅԴ Գերագույն մարմինը Հրանտ Մարգարյանի գլխավորությամբ «դռնփակ» նիստ է անցկացրել, որի րնթացքում հին ընկերննրը մի շարք կարևորագույն որոշումներ են ընդունել: Նախևառաջ, հրատապ կերպով լուծվել է նախագահականի «մարդ» համարվող «Կարկոմավտո» ընկերության Կարեն Շահմուրադյանին ՀՅԴ-ին «ադապտացնելու» հարցը, երկրորդ՝ որոշվել է գործարար Հրանտ Վարդանյանի մերձավորներից մեկի՝ «Գրանդ Հոլդինգ» ընկերության տնօրեն Արմեն Բաբայանի հերթը առաջ գցել ՀՅԴ ցուցակում ու նրան ևս մանդատի տեր դարձնել, և երրորդ վիճահարույց հարցն էլ վերաբերել է կառավարության հետ մշտապես «մենամարտած» Արծվիկ Մինասյանին, որին խորհրդարան վերադարձնելու որոշումը այնքան էլ դուր չի եկել դաշնակցական Ադվան Վարդանյանին:

ՉԻ տեղեկություններով, Մինասյանին խորհրդարանում ուզում է տեսնել դաշնակցության ներսում գլխավոր խաղացող Հրանտ Մարգարյանը՝ համոզմունք ունենալով, որ Մինասյանը առաջիկայում էլ կարող է առճակատման գնալ նոր ձևավորվող կառավարության հետ: Իսկ առանց այդ գործի էլ ո՞ւմ պետք կգա դաշնակցությունը, դժվար է ասել: