Տոկիոյում բացվել է ամենաբարձր կոմունիկացիոն աշտարակն աշխարհում

Աշխարհի ամենաբարձր կոմունիկացիոն Tokyo Skytree աշտարակը բացել է իր դռները այցելուների առջև։ Կառույցի բարձրությունը կազմում է 634 մետր, վերջինս բարձրությամբ զիջում է միայն Դուբայում գտնվող Բուրջ–Խալիֆա երկնաքերին, որի բարձրությունը կազմում է 828 մետր։

Աշտարակի դիտահարթակներից մեկը տեղակայված է 350 մետր և 450 մետր բարձրության վրա։ Աշտարակի կառուցման աշխատանքները սկսվել էին 2008-ի ապրիլին, ծախսվել է 503.7 միլիոն դոլար։ Tokyo Skytree–ի հիմնական նպատակը ռադիոհեռարձակող ընկերությունների աշխատանքի որակի բարձրացումն է, հաղորդում է BBC–ն։