Բազմազանության օրվան նվիրված երթի տապալման հեղինակները արտաքին ուժերն են. Մարինե Պետրոսյան

Գրող Մարինե Պետրոսյանի կարծիքով՝ Բազմազանության օրվան նվիրված երթի տապալման հեղինակները արտաքին ուժերն են ու, ամենայն հավանականությամբ, ռուսական ԿԳԲ-ն:

«Հայաստանը լյուստրացիայի մասին օրենքի նախագիծ էր ներկայացրել: Ի վերջո նախագիծը մերժվեց: Լյուստրացիան չի վերաբերում անցյալին, այլ ներկային ու ապագային: Էն ինչ-որ կատարվում է, եթե վերլուծենք, կտեսնեք, որ ոչ թե ինքնաբուխ է, այլ սա հստակ կազմակերպված դավադրություն է Հայաստանի դեմ»,- նշեց Մարինե Պետրոսյանը:

Մարինեն նշեց, որ երեկվա հակաերթը կոորդինացնողներից էր բլոգեր Տիգրան Քոչարյանը, որը, Մարինեի խոսքով, «վերջում զեկուցեց ինչ-որ մեկին հեռախոսով ու իրանից գոհ գնաց տուն»:

Գրողի կարծիքով՝ սեռային բազմազանությունը մշակութային բազմազանության ձևերից է: