Գոհար Շահնազարյանի կարծիքով՝ երեկվա երթի խոչընդոտումը ապատեղեկատվության հետևանք է
Գիտություն և Մշակույթ
Կանանց ռեսւրսների կենտրոնի ներկայացուցիչ Գոհար Շահնազարյանի կարծիքով, բազմազանության օրվան նվիրված երեկվա երթը ապատեղեկատվության հետևանքով վերածվեց քաոսի:
«Որոշ լրատվամիջոցներով հայտարարություններ էին տարածվել, որ սա գեյ-շքերթ է: Չգիտեմ՝ ով է սրա ետևում կանգնած: Կարծում եմ՝ սրա կազմակերպիչները արժանի են պատժի»:
Գոհար Շահնազարյանը նշեց, որ երթին իրաքցի փախստական կանանց էին բերել, որ իրենց խնդիրները բարձրաձայնեին, քանի որ նրանք հանդիպում են զանազան կարծրատիպերի:
«Ցանկանում էինք, որ այդ կանայք ներկայացնեին իրենց պրոբլեմները ու փորձում էինք լուծումներ գտնել, որ չհանդիպեն «մուսուլման» կամ «թուրք» պիտակավորումներին»,- ասաց նա:
Լրագրողների հարցին, թե երթին միասեռականներ մասնակցե՞լ են, Շահնազարյանը պատասխանեց, որ խոսքը մշակութային բազմազանության մասին է:
«Ով կար, ով չկար, չգիտեմ: Չենք կարևորում՝ մասնակցիները ինչ սեռական կոմղնորոշում ունեն»,- ասաց նա:
ՈՒՂԻՂ ԵԹԵՐ
Ամենադիտված 
Կորուստ՝ Ալլա Լևոնյանի ընտանիքում
