ՄԷՄԳ–ն ու Իրանը համաձայագիր են ստորագրել Իրանի միջուկային օբյեկտներում ստուգումներ անցկացնելու վերաբերյալ

Ատոմային էներգիայի միջազգային գործակալության (ՄԷՄԳ) ղեկավար Յուկիա Ամանոն հայտարարել է, որ իրեն հաջողվել է Իրանի իշխանությունների հետ բանակցություններում հասնել համաձայնության՝ կապված Թեհրանի միջուկային զենքի զարգացման գործընթացում միջազգային փորձագետների կողմից տեսչական ստուգումների հետ, ավելացնելով, որ փաստաթուղթը կստորագրվի շուտով, հաղորդում է BBC–ն։

Թեհրանից վերադառնալուց հետո ՄԱԳԱՏԷ–ի ղեկավարը նշել է, որ Իրանի իշխանությունները խոստացել են չմիջամտել փաստաթղթի ստորագրմանը։

Ըստ Ամանոյի, այժմ մնացել է համաձայագրի հետ կապված որոշ դետալներ ճշտել։

ՄԷՄԳ–ի և Իրանի միջև բանակցությունները կայացել են «5+1» ձևաչաձով «վեցնյակի» երկրների հետ մայիսի 23–ին Բաղդադում սկսվող բանակցությունների նախաշեմին, քանի որ մինչ այդ կայացած բոլոր բանակցությունները երևէ առաջընթաց չէր գրանցել Իրանի միջուկային խնդրի հարցում։

ՄԷՄԳ-ն բազմիցս դիմել է Իրանի ղեկավարությանը՝ Թեհրանի միջուկային օբյեկտներում և մեկ ռազմակայանում տեսչական ստուգումներ անցկացնելու համար։ Իրանը հերքում է միջուկային զենք ստեղծելու՝ Արևմուտքի մեղադրանքները՝ պնդելով, որ ինքը մտադիր է միջուկային էներգիան օգտագործել բացառապես խաղաղ նպատակներով։