Սիրիայում ահաբեկչության պատճառով զոհվել է 5 մարդ

Սիրիայի մայրաքաղաք Դամասկոսի ռեստորաններից մեկում տեղի ունեցած պայթյունի հետևանքով զոհվել է 5 մարդ։ Սիրիական SANA գործակալության հաղորդմամբ, պայթյունը տեղի է ունեցել այս գիշեր։

Ըստ Սիրիայի իրավապաշտպան կազմակերպությունների, մի շարք պայթյուններ են տեղի ունեցել նաև այլ շրջաններում, այդ թվում` ընդդիմության ապստամբական կենտրոն համարվող Համայում և Հալեպում։

Իրավապաշտպանները նաև հայտնել են, որ կառավարական ուժերը երկուշաբթի երեկոյան խուզարկություններ և ձերբակալություներ են իրականացրել մայրաքաղաքի արվարձաններում։ Նրանց հաղորդմամբ` երկուշաբթի երկրում սկիզբ առած նոր բռնությունների պատճառով սպանվել է 54 մարդ, որոնցից 31–ը եղել է զինվորական։