«Հայկական Ժամանակ». Դրամը արժեզրկվում է, գործարքների ծավալը հատում է 20 միլիոն դոլարը. ՀՀ ֆոնդային բորսայի ռեկորդները

Երեկ ՀՀ ֆոնդային բորսայում կայացած գործարքների արդյունքում միանգամից երկու ռեկորդ է սահմանվել: Նախ դրամը կրկին արժեզրկվել է՝ հասնելով վերջին երկու տարվա նվազագույն արժեքին, մեկ դոլարի գինը կազմել է 401 դրամ 95 լումա:

Երկրորդ ռեկորդը գործարքների ծավալն է՝ քսան միլիոն դոլար: Ակնհայտ է, որ սա ԿԲ-ի իրականացրած ինտերվենցիան է դրամի խելահեղ արժեզրկումը կանխելու նպատակով: Այսպիսի ծավալների ինտերվենցիաներ ԿԲ-ն իրականացնում էր 2009 թվականի փետրվարին' դրամի մարտիերեքյան հայտնի փլուզումից շաբաթներ առաջ: