Նավթի գները նվազում են ՄԷՄԳ-ի և Իրանի միջև ֆոնի բանակցությունների ֆոնին

Աշխարհում նավթի գինը կտրուկ նվազել է՝ կապված Իրանի և ՄԷՄԳ-ի միջև միջուկային ծրագրի շուրջ բանակցությունների նոր փուլի սկսվելու հետ, հաղորդում է BBC-ն։

ԱՄՆ-ում WTI տեսակի թեթև նավթի գինը, ըստ հուլիսյան ֆյուչերսների, նվազել է 0,6%-ով՝ հասնելով 1 բարելի դիմաց 91.29 դոլարի, իսկ Brent տեսակի նավթի առաքման գները, ըստ հուլիսյան ֆյուչեսրների, նվազել են 0.46%-ով՝ 1 բարելի դիմաց մինչև 107,95 դոլար։

Հիշեցնենք, որ նախօրեին Ատոմային էներգիայի միջազգային գործակալության (ՄԷՄԳ) ղեկավարը հայտարարել էր, որ Իրանի իշխանությունների հետ համաձայնություն է ձեռք բերվել Իրանի միջուկային օբյեկտներում տեսչական ստուգումներ իրականացնելու վերաբերյալ, նշելով, որ փաստաթուղթը կստորագրվի շուտով։

Նավթի գների վրա ազդել է նաև ԱՄՆ էներգիայի նախարարության անցյալ շաբաթ հրապարակած տվյալները, որոնք վերաբերում էին ԱՄՆ-ի նավթապահուստներում մեծածախ առևտրային պաշարների տվյալներին։

Համաձայն ամերիկյան նավթային ինստիտուտի (API) նախօերին հրապարակած տվյալների, ԱՄՆ-ի նավթային պաշարների պահուստը մեկ շաբաթվա ընթացքում նվազել է 1.5 միլիոն բարելով։