ՆԱՏՕ–ի հաջորդ գլխավոր քարտուղարը հավանաբար կլինի Աբդուլահ Գյուլը

ՆԱՏՕ–ի Գլխավոր քարտուղար Անդերս Ֆոգ Ռասմուսենի պաշտոնավարության ավարտից հետո չի բացառվում, որ այդ պաշտոնը կստանձնի Թուրքիայի նախագահ Աբդուլահ Գյուլը, որի պաշտոնավարության ժամկետն ավարտվում է 2014–ին, հաղորդում է թուրքական Milliyet–ը։

Թերթի հաղորդմամբ, Դաշինքի գլխավոր խորհուրդը առաջիկա 10 տարիներին կազմակերպության գլխավոր քարտուղարի պաշտոնում ցանկանում է տեսնել թուրք ներկայացուցչի։

Նշենք, որ Թուրքիան Հյուսիս–ատլանտյան դաշինքին անդամակցում է 1952 թվականից, որն այս տարի նշելու է կառույցին անդամակցելու 60–ամյակը, ինչի պատճառով էլ ցանկանում է ստանձնել կառույցի ղեկավարումը։

ՆԱՏO–ի ներկայիս գլխավոր քարտուղարի պաշտոնավարման ժամկետն ավարտվում է 2014–ին, սակայն վերջինս ցանկանում է այդ պաշտոնում մնալ մինչև 2014 թվականը։

Ինպես նշում է Milliyet–ը, դա կարող է նախապես պայմանավորվածության արդյունք լինել այն պատճառով, որ Գյուլի պաշտոնավարման ժամկետն ավարտվում է 2014–ին։