Հնդկաստանում որսագողերին տեղում կգնդակահարեն

Հնդկաստանի Մահարաշթրա նահագի իշխանությունները հայտարարել են 500 հոգանոց նոր հատուկ ջոկատների ստեղծման մասին, որոնց հիմնական նպատակն է լինելու վագրերի և փղերի որսագողության դեմ պայքարը, հայտարարել է նահագի Բնության և անտառների պահպանության նախարարության ղեկավար Պատանգրաո Կադամը։

Ինչպես հաղոդել է պաշտոնյան, չնայած իշխանությունների կողմից կիրառվող միջոցառումներին՝ Հնդկաստանում որսագողությունը նոր թափ է հավաքում, ինչից հատկապես տուժում են վագրերը, քանի որ դրանց մորթին շատ թանկ է գնահատվում։ Վերջին շաբաթներին Մահարաշթրայում հայտնաբերվել է թակարդն ընկած և դրա արդյունքում սատկած երկու վագր։

Հնդկաստանում առաջին անգամ է, որ նման կտրուկ միջոցառումներ են ձեռնարկվում, քանի որ ջոկատայիններին թույլ է տրված տեղում կրակել զինված որսագողերի վրա։

Ներկայումս մասնագետների գնահատականով մոլորակի վրա մնացել է ընդամենը 4000 վագր, որոնց բնակության տիրույթը տարածվում է 14 երկրների վրա։ Վագրերի մեծամասնությունը պահպանվել է Հնդկաստանում, ուր «անտառի արքաների» թվաքանակը հաշվվում է մոտ 1400 գլուխ, ինչը վերջին ժամանակներս սկսել է կտրուկ նվազել։ Դրւանով էլ պայմանավորված է ներկայիս կարծր դիրքորոշումը որսագողերի հանդեպ։