Ճապոնիայում ռադիացիայի հետևանքները մեծ ազդեցություն են գործում երեխաների առողջության վրա

     New York Times հաղորդում է, որ Տոկիոյում արված հետազոտությունների արդյունքում պարզվել է, որ Ֆուկուսիմա ԱԷԿ-ի պայթյունի հետևանքով ճառագայթումից սկսում են տուժել ավելի շատ այդ տարածքում գտնվող երեխաները։ Պարզվել է, որ ճառագայթման բարձր ազդեցության հետևանքով երեխաների մոտ  գնալով տարածվում է վահանագեղձի քաղցկեղ։  Ճապոնացի պաշտոնյաները հայտարարել են, որ հետազոտված 360 հազ. անչափահաս երեխաները, որոնց մոտ առկա են տվյալ հիվանդության նախանշանները, մինչև իրենց կյանքի վերջ կգտնվեն պետության լուրջ հոգածության տակ։
Ուսումնասիրություններից պարզ է դարձել, որ ռադիոակտիվ նյութերի նկատմամբ  ավելի շատ զգայուն են  երեխաները և հղի կանայք։ Հիշեցնենք, որ այս տարի մարտին ճապոնիայի Ֆուկուսիմա նահանգում տեղի ունեցած ցունամիի հետևանքով ավելի քան 20 հազ. մարդ զոհվեց, իսկ Ֆուկուսիմա ԱԷկ–ի պայթյունի հետևանքով  շրջակա տարածքները 12 մղոն շառավղով տարհանվեց։ Մինչ այժմ այդ տարածքները  բարձր վտանգավորության գոտիներ են համարվում, որը  ստիպում է այդ տարածքների բնակիչությանը դեռևս չվերադառնալ իրենց բնակավայրերը։