Չինացի այլախոհի եղբայրը նույնպես փախել է տնային կալանքից

Չինացի անյլախոհ Չեն Գուանչենի եղբայրը նույնպես փախել է հարազատ գյուղում տնային կալանքից և ժամանել է Պեկին, հաղորդում է BBC–ն։ 

Ապրիլին տնային կալանքից փախած և Պեկինում գտնվող, ԱՄՆ–ի դեսպանությանը հանձնված չինացի այլախոհ Չեն Գուանչենի հարազատները իշխանությունների կողմից նույնպես գտնվում են ուժեղացված հսկողության տակ և նրանց թույլ չեն տալիս հեռանալ գյուղից։ 

Չեն Գուանֆուն փորձում է գտնել իր որդու փաստաբանին, քանի որ որդուն տեղի իշխանությունները մեղադրում են սպանություն կատարելու մեջ։ ԱՄՆ–ի իշխանություններին հանձնվելուց հետո Չեն Գուանչենը մի քանի անգամ հայտարարել է, որ մտահոգված է Չինաստանում գտնվող հարազատների անվտանգությամբ։ 

Չեն Գուանչենի շուրջ սկանդալը ԱՄՆ–ի և Չինաստանի միջև հարաբերությունների վատացման պատճառ դարձավ։ Այլախոհը Պեկինի ԱՄՆ դեսպանատանը ապաստանելու խնդրանքով դիմել էր դեպանությանը, որից մեկ շաբաթ անց երկու երկրների միջև ձեռք բերված համաձայնության արդյունքում վերջինս իր ընտանիքի հետ մեկնել էր Նյու Յորք։