Համամասնական ինքնաբացարկները պետք է ներկայացվեն մինչև վաղը. ԿԸՀ

2012-ի մայիսի 6-ի ԱԺ ընտրությունների արդյունքում համամասնական ընտրակարգի համար նախատեսված մանդատների բաշխմանը մասնակցած կուսակցություններին, կուսակցությունների դաշինքին համամասնական ընտրակարգով պատգամավորության թեկնածուների ինքնաբացարկի մասին դիմումները կենտրոնական ընտրական հանձնաժողով ներկայացնել մինչև ս.թ. մայիսի 25-ը' 18:00-ն:

Դրանից հետո ՀՀ կենտրոնական ընտրական հանձնաժողովը կկազմի արձանագրություն' Ազգային ժողովի համամասնական ընտրակարգով պատգամավորներ ընտրվելու վերաբերյալ: Այդ մասին հաղորդում են ԿԸՀ–ից։