Բեն Լադենին ոչնչացնելու գործողություններն անօրինական են եղել. Amnesty International

Amnesty International միջազգային իրավապաշտպան կազմակերպության՝ մարդու իրավունքների պաշտպանության ոլորտի տարեկան զեկույցում նշվում է, որ ԱՄՆ–ի զինուժի կողմից «Ալ–Քաիդայի» նախկին առաջնորդ Ուսամա բեն Լադենի ոչնչացումն անօրինական է եղել։

Ըստ կազմակերպության իրավապաշտպանների՝ «Ուսամա բեն Լադենին ոչնչացնելու գործողությունները ոչ այլ ինչ է, քան միջազգային իրավունքի խախտում»։ 2001–ի սեպտեմբերի 11–ի Նյու Յորքի ահաբեկչությունների կազմակերպման մեջ մեղադրվող Բեն Լադենի նկատմամբ պաշտոնապես ոչ մի անգամ որևէ մեղադրանք չի առաջադրվել՝ այդ գործի հետ կապված։ 

Զեկույցում նշված է, որ ահաբեկչությունները կազմակերպելու մեջ նրա մասնակցության վերաբերյալ անհերքելի ապացույցներ չեն ներկայացվել հանրությանը, որևէ դատական գործընթաց չի եղել նրա գործով։