Բանակցություններ ՀՀ ՊՆ–ում
Արտաքին Քաղաքական
Ս.թ. մայիսի 23-ից 24-ը ՀՀ ՊՆ վարչական համալիրում անցկացվել են սեպտեմբեր ամսին ՀՀ տարածքում կայանալիք ՀԱՊԿ Արագ արձագանքման հավաքական ուժերի «Փոխգործակցություն-2012» համատեղ զորավարժության նախապատրաստման ու անցկացման նպատակով ՀԱՊԿ անդամ պետությունների պաշտպանության նախարարությունների, շահագրգիռ նախարարությունների ու գերատեսչությունների, ՀԱՊԿ քարտուղարության և Միացյալ շտաբի ներկայացուցիչների երկրորդ շտաբային բանակցությունները:
Բանակցությունների ընթացքում քննարկվել են զորավարժության վերջնական մտահղացման հիմունքներն ու անցկացման ընդհանուր կարգը, ներգրավվող ուժերի կազմն ու միջոցները, դրանց նյութական, բժշկական ու ֆինանսական ապահովման կարգը, ինչպես նաև զորավարժության ընթացքում ԿԽՄԿ-ի մասնակցության և միջազգային մարդասիրական իրավունքի տարրերի կիրառման հարցերը:
Բանակցությունների մասնակիցներն այցելել են նաև «Մարշալ Բաղրամյան» զորավարժարան' տեղազննում անցկացնելու նպատակով, ծանոթացել են ուսումնական կետերի, ազգային ստորաբաժանումների տեղակայման վայրերի ու զորավարժության մտահղացումով նախատեսված տարածքների կահավորման վիճակին:
Բանակցությունների ավարտին ստորագրվել է արդյունքների մասին արձանագրություն:
ՈՒՂԻՂ ԵԹԵՐ
Ամենադիտված 
Սպանություն է տեղի ունեցել Երևանում
