Թուրքիայում մահապարտ ահաբեկիչները փորձել են ներխուժել ոստիկանական բաժանմունք

Թուրքիայի Գազիայնթափի նահանգում մահապարտները փորձել են ներխուժել ոստիկանական բաժանմունք:

Այս մասին հայտնում է թուրքական hurriyet.com.tr-ն:

Ոստիկանական բաժանմունք ներխուժել ցանկացող մահապարտ ահաբեկիչներից մեկը ոստիկանների կողմից սպանվել է, իսկ երկրորդը փախուստի է դիմել:

Փախուստի մեջ գտնվող ահաբեկչին գտնելու և ձերբակալելու ուղղությամբ ոստիկանությունը հատուկ գործողություններ է իրականացնում:

Ահաբեկիչների եւ ոստիկանության միջև տեղի ունեցած փոխհրաձգության ժամանակ մեկ ոստիկան եւ մեկ երեխա վիրավորվել են: