ԱՄՆ–ը պատրաստ է համագործակցել Եգիպտոսի ցանկացած նախագահի հետ. Հիլարի Քլինթոն

ԱՄՆ–ը պատրաստ է աշխատել Եգիպտոսի նախագահական ընտրություններում ցանկացած հաղթողի հետ։ Այս մասին հայտարարել է ԱՄՆ պետաքարտուղար Հիլարի Քլինթոնը, հաղորդում է BBC–ն։

Քլինթոնի խոսքերով, ԱՄՆ–ը «առանց շտապողականության սպասում է՝ աշխատելու Եգիպտոսի՝ դեմոկրատական ճանապարհով ընտրված կառավարության հետ»։ Հյուսիսաֆրիկյան երկրում դեռևս չի ավարտվել քվեաթերթիկների հաշվարկը։ Եթե ընտրությունների արդյունքում որևէ թեկնածու համոզիչ հաղթանակ չտանի, ապա հունիսին կանցկացվի ընտրությունների երկրորդ փուլ։

12 թեկնածուներից նախագահի հավակնորդ են համարվում իսլամիստները և Հոսնի Մուբարաքի կառավարության նախկին անդամները։

Սպասվում է, որ ընտրությունների վերջնական արդյունքները հայտնի կդառնան երեքշաբթի օրը։ Ընտրություներին մասնակցությունը կազմել է 50%։