Երևանում տեղի կունենա «Նվիրում Հենդելին» խորագրով համերգ

Մայիսի 26-ին, ժ.19.00-ին Կոմիտասի անվան Կամերային Երաժշտության Տանը տեղի կունենա «Ազգային Պատկերասրահ»՛ Միջազգային Երաժշտական Ութերորդ Փառատոնի փակման համերգը:

Փառատոնի հանդիսավոր փակման համերգը կրում է «Նվիրում Հենդելին» խորագիրը, որին կմասնակցեն երիտասարդ սերնդի ճանաչված երաժիշտներ Մանե Գալոյանը (սոպրանո), Հասմիկ Բաղդասարյանը (սոպրանո), Կարեն Հակոբյանը (կոնտրտենոր, ԱՄՆ), Ջուլիետա Վարդանյանը (կլավեսին), Արմեն Մայիլյանը (շեփոր), Փառատոնային նվագախումբը (գեղարվեստական ղեկավար և դիրիժոր՝ Արամ Թալալյան):

2012-ին Երևանի՝ Գրքի համաշխարհային մայրաքաղաք հռչակվելու, Հայաստանի ազգային պատկերասրահի՝ այդ միջոցառման շրջանակներում ներգրավվածության կապակցությամբ, Փառատոնը այս տարի հյուրընկալվեց Կոմիտասի անվան Կամերային Երաժշտության Տանը:

«Ազգային Պատկերասրահ» Միջազգային Երաժշտական Ութերորդ Փառատոնը ներկայացավ 6 համերգից բաղկացած համերգաշարով, որի շրջանակներում ելույթ ունեցան աշխարհահռչակ դաշնակահար Բորիս Բերմանը (ԱՄՆ), ՛՛Ակլարդիոն՛՛ դուետը (Ռուսաստանի Դաշնություն)՝ Եվգենի Վարավկո (կլարնետ) և Մարիա Վլասովա (ակորդեոն), ՀՀ Վաստակավոր արտիստ, դաշնակահար Արմեն Բաբախանյանը, Թբիլիսիի Ազգային Օպերային Թատրոնի մեներգիչների ՛՛Սուլիկո՛՛ համույթը (Վրաստան),Փառատոնային նվագախումբը (գեղարվեստական ղեկավար և դիրիժոր՝ Արամ Թալալյան):