ԱՄՆ պետդեպը հանդես է եկել Հայաստանում իրավիճակի գնահատականով

Հայաստանի Սահմանադրությունը պետության համար նախատեսում է ընտրովի նախագահ, միապալատ օրենսդիր մարմին և Ազգային ժողով։
2008 թվականին Սերժ Սարգսյանը նախագահ դարձավ կեղծված ընտրություններից հետո։ Իշխող կոալիցիան, որն առաջնորդվում է հենց Սերժ Սարգսյանի գլխավորած Հանրապետական կուսակցության կողմից, շարունակում է գերիշխել քաղաքական համակարգում։ Անվտանգության ուժերը ենթարկվում են քաղաքացիական իշխանություններին։ Մարդկային իրավունքների խնդիրներից ամենակարևորը քաղաքացիների իրավունքների սահմանափակումներն են, իրենց իշխանություններին փոխելու խոսքի և մամուլի ազատության և դատական մարմինների անկախության սահմանափակումները։

Ահա սրանք են այն կարևոր շեշտադրումները, որ արված են Հայաստանում իրավիճակի վերաբերյալ ԱՄՆ պետդեպարտամենտի զեկույցում։

Զեկույցում նշվում է, որ Հայաստանի իշխանությունը 2011–ին ազատ է արձակել 2008 թվականի նախագահական ընտրությունների արդյունքների պատճառով կազմակերպված բողոքի ցույցերի ժամանակ ձերբակալված 6 ընդդիմադիր գործիչների։ Ապրիլի 28-ից թույլատրվեցին ընդդիմադիր ցույցերն ու հանրահավաքները մայրաքաղաքի՝ նախկինում սահմանափակված տարածքներում։ Դրանք բոլորն անց են կացվում առանց միջադեպերի՝ թեև խոչնդոտվում է Երևանից հեռու բնակվող ցուցարարների մասնակցությունը հանրահավաքներին։

Զեկույցում նշվում է Հայաստանում բանտերի գերբեռնվածության, հակասանիտարական պայմանների, կալանավորներին ցուցաբերվող բժշկական ծառայությունների անբավարար լինելու փաստերի մասին։ Հայաստանի իշխանությունը շարունակում է ձերբակալել և կալանավորել քրեական կասկածյալներին առանց հիմնավոր կասկածի, և անհատներին կալանավորում է կամայականորեն նրանց ընդդիմադիր պատկանելության և քաղաքական գործունեության պատճառով։ Իշխանությունները և օրենքները որոշակի խմբերին կրոնական ազատության ենթարկեցին։ Կոռուպցիան մեծ խնդիր է դարձել. իշխանությունները անհաջող միջոցներ են ձեռնարկում այն սահմանափակելու համար։

Հաշվետվություն կա հարկադիր աշխատողների մասին ևս։ Աշխատողների իրավունքները սահմանափակված են, չնայած կառավարությունը քայլեր է ձեռնարկում՝ պատժելու անվտանգության աշխատողներին, ովքեր մարդու իրավունքների չարաշահումներ են կատարում։ Զեկույցում հատուկ կերպով նշվում է նաև այն, որ 2008 թվականի հետընտրական բռնությունների ժամանակ սպանված 8 քաղաքացիների և 2 ոստիկանների վերաբերյալ գործը դեռևս չի բացահայտվել։