Իրանը բավարար ուրան ունի 5 միջուկային զենքի համար

Ատոմային էներգիայի միջազգային գործակալության (ՄԱԳԱՏԷ) վերջին զեկույցում նշվում է, որ Իրանը շարունակում է ուրանի հարստացումը, և այն հասել է մոտ 6,2 տոննայի, հաղորդում է Reuters–ը։

Սակայն պաշտոնական Թեհրանը հավաստիացնում է, որ ուրանի հարստացումը շարունակվում է մոտ 3,5% մակարդակի սահմաններում։

ՄԱԳԱՏԷ–ի անցյալ տարվա զեկույցի համեմատ այս տարի ուրանը ավելացվել է մոտ 750 կգ-ով։

Ատոմային գիտնականների կարծիքով, ուրանի նման քանակությունը Իրանին հնարավորություն է տալիս կառուցել 5 միջուկային տարբեր տեսակի զենք։ 

Ըստ գիտնականների վերջին ուսումնասիրությունների, Իրանում դեռ գտնվում են ուրանի չբացահայտված հանքեր։