Ռուս դիվանագետը զոհվել է Ճապոնիայում

Ճապոնիայում մահացել է Նիիգատեում ՌԴ գլխավոր հյուպատոս Վլադիմիր Պուշկովը։ Այս մասին լրագրողներին հայտնել են Ճապոնիայում Ռուսաստանի դեսպանության ներկայացուցիչները։

Ինչպես հայտնում է ճապոնական ոստիկանությունը, գլխավոր հյուպատոսը վայր է ընկել բարձրությունից։ Ոստիկանության տվյալներով՝ հյուպատոսության աշխատակիցները իրենց ազատ օրն էին անցկացնում Ագանոյում։

Դեպքը տեղի է ունեցել վոլեյբոլ խաղալու ժամանակ, երբ 55-ամյա Վլադիմիր Պուշկովը փորձել է բռնել թռչող գնդակը և ընկել բարձունքից։

«Россия-24» հեռուստաալիքի հաղորդմամբ դիվանագետը մահացել է գլխի շրջանում ստացած վնասվածքներից։

Փոխհյուպատոս Ռոման Կոլեսնիկը, որը փորձել է օգնություն ցուցաբերել Պուշկովին, նույնպես վնասվածքներ է ստացել։ Նա ուղղաթիռով տեղափոխվել է Նիիգատեի հիվանդանոցներից մեկը՝ գիտակից վիճակում։