Եղիսաբեթ թագուհու անվան մրցույթի հաղթողը ջութակահար Անդրեյ Բարանովն է

Եղիսաբեթ թագուհու անվան՝ երիտասարդ կատարողների բրյուսելյան մրցույթում հաղթող է ճանաչվել ռուսաստանցի ջութակահար Անդրեյ Բարանովը: Նա կատարել է Մոցարտի ջութակի կոնցերտ N3 նվագախմբի համար, Չայկովսկիի ստեղծագործությունները, իսկ եզրափակչին հանդես է եկել Պրոկոֆևի ստեղծագործության կատարումով: 

Վերջինս նախկինում ևս՝ 2009-ին մասնակցել է մրցույթին, սակայն հասել է մինչև կիսաեզրափակիչ: 

Եղիսաբեթ թագուհու անվան մրցույթը յուրաքանչյուր տարի տեղի է ունենում մասնագիտություններից մեկի շրջանակներում՝ ջութակ, դաշնամուր, ակադեմիական վոկալ կամ կոմպոզիցիա: Մրցույթի կանոնների համաձայն, մասնակիցների տարիքը չպետք է գերազանցի 30-ը: 

Այս տարի մրցույթի եզրափակիչում էին հայտնվել Ռուսաստանի, Բելգիայի, Ճապոնիայի, Չինաստանի, ԱՄՆ-ի, Կանադայի, Չեխիայի և այլ 5 երկրների ներկայացուցիչներ: