Առաջիկայում հայտնի կդառնան Եգիպտոսի նախագահական ընտրությունների վերջնական արդյունքները

Մայիսի 23-24-ին Եգիպտոսում կայացած նախագահական ընտրություններին մասնակցել է ընտրելու իրավունք ունեցող քաղաքացիների 45,6%-ը՝ 23,026 մլն մարդ: հատկանշական է, որ անվավեր է ճանաչվել 423 հազար քվեաթերթիկ: 

Ամենաշատ ձայներն է հավաքել Մուսուլման եղբայրներ շարժման ներկայացուցիչ Մուհամեդ Մուրսին: Նրա օգտին քվեարկել է ընտրողների 24,8%-ը: 

Երկրորդ տեղում է երկրի նախկին վարչապետ Ահմեդ Շաֆիկը՝  23,9%-ով: 

Սոցիալիստ, անկախ թեկնածու Համդին Սաբահին ստացել է ընտրողների ձայների 20,5%-ը: 

Չորրորդ հորիզոնականում է Աբդելմունեմ Աբուլֆութուհը (17,4%), հինգերորդում՝ Ամր Մուսան (11,2%): 

Ընտրությունների արդյունքները պաշտոնապես կհրապարակվեն այսօր կամ վաղը կայանալիք հատուկ մամլո ասուլիսի ընթացքում: 

Քանի որ թեկնածուներից ոչ ոք չի հավաքել անհրաժեշտ 50%+1 ձայները, հունիսի 16-17-ին երկրում տեղի կունենա ընտրությունների երկրորդ փուլ: