Դոհայում հրդեհի հետևանքով 19 մարդ է զոհվել, այդ թվում՝ 13 երեխա

Քաթարի մայրաքաղաքի խոշորագույն առևտրի կենտրոններից մեկում բռնկված հրդեհի հետևանքով 19 մարդ է զոհվել, այդ թվում՝ 13 երեխա։ Այս մասին այսօր հայտնել է Ռոյթեր գործակալությունը՝ հղում կատարելով Al Jazeera հեռուստաալիքին։

Հրդեհը բռնկվել է այսօր՝ մայիսի 28-ին, Դոհայի արևմտյան հատվածում գտնվող Villagio Mall առևտրի կենտրոնում։ Ավելի վաղ հաղորդվել էր 1 զոհի մասին։ Ֆրանս Պրես լրատվական գործակալության տվյալներով՝ զոհերի թվում են նաև Քաթարի քաղպաշտպանության ծառայության 2 փրկարարներ։

Նշենք նաև, որ Villagio Mall-ը Դոհայի ամենախոշոր առևտրի կենտրոններից մեկն է, որի տարածքում գործում են մեծ թվով խանութներ և ռեստորաններ։