Եգիպտոսում բողոքի ցույցի մասնակիցներն այրել են թեկնածուի շտաբը

Այսօր Կահիրեում նախկին վարչապետ Ահմադ Շաֆիքի՝ նախագահական ընտրություններում մասնակցության դեմ բողոքի ցույցի մասնակիցներն այրել են նրա նախընտրական շտաբը։ Երիտասարդների մի խումբ ներխուժել է մայրաքաղաքի կենտրոնական շրջաններից մեկում գտնվող շենքը, իրարանցում առաջացրել, իսկ ապա նետել բռնկվող հեղուկով շշեր և հեռացել։

Այդ ընթացքում նրանք վանկարկել են հակաիսլամիստական կարգախոսներ։ Հիշեցնենք, որ իսլամիստների թեկնածու Մոհամմադ Մուրսին, ըստ առաջին փուլի արդյունքների, ընտրությունների առաջատարն է։ Հրդեհի հետևանքով տուժածներ չկան։