Բեռլուսկոնին՝ ապակե դագաղում. իտալացիների երազանքը

Իտալացի արվեստագետներ Անտոնիո Գարուլոն և Մարիո Օտոչենտոն «Իտալացիների երազանքը» արթ-պրոյեկտի շրջանակներում ստեղծել են նախկին վարչապես Սիլվիո Բեռլուսկոնիի սիլիկոնե քանդակը, հայտնում է Газета.Ru-ն։ Այն տեղադրվել է իտալական կառավարության նիստերի դահլիճի հարևանությամբ գտնվող ցուցասրահում։

Արվեստագետները Բեռլուսկոնիին տեղավորել են ապակե դագաղում։ Քնած է նա, թե մահացած՝ դժվար է ասելը։ Նախկին վարչապետի հագին սովորական կոստյում է, ոտքերին՝ փափուկ տնային կոշիկներ Միկի Մաուսի նկարով։ Աջ ձեռքը Իտալիայի պատմության մասին գրքի վրա է, ձախը՝ շալվարի շղթային։

«Մենք մտածել ենք հենց Բեռլուսկոնիի մասին, նրա մասին, թե ինչպիսի անձի պաշտամունք էր նա ստեղծել իր կառավարման տարիներին», - հայտնել են ինստալյացիայի հեղինակները՝ հավելելով, որ նրան ապակե դագաղում տեղադրել են Մաո Ձեդունի և Լենինի նմանությամբ։

Բեռլուսկոնին թոշակի է անցել անցյալ տարվա նոյեմբեր ամսից քաղաքացիական դժգոհության մեծ ալիքից հետո։ Այժմ նրա հանդեպ վարվում է մի քանի քրեական գործ, այդ թվում՝ անչափահաս մարմնավաճառի հետ ունեցած սեռական կապի կասկածանքով։