Թուրքիայում իսրայելացի սպաներին ցմահ բանտարկություն է սպասվում

Թուրքական դատարանը պաշտոնապես մեղադրել է իսրայելցի նախկին զինվորականներին 2010-ին «Mavi Marmara» նավի տախտակամածում 9 մարդ սպանելու համար, հաղորդում է HurriyetDailyNews-ը:

Թուրքական դատարանը ցմահ դատապարտման վճիռ է կայացրել իսրայելցի զինվորների նկատմամբ, որոնք Թուրքիայի իշխանությունների կողմից մեղադրվում են մարդասպանության, զոհերի հետ դաժան վարվելու և հեղափոխություն հրահրելու մեջ։

Ցմահ դատապարտյալներից 4 զինվորականները կարևոր բարձրաստիճան պաշտոնյաներ են։ Այդ ցուցակում էին Էլիեզեր Մարոմը, որը նախկինում զբաղեցրել է Իսրայելի ռազմական նավատորմի գլխավոր հրամանատարի պաշտոնը, ինչպես նաև Ամոս Յադլինը, որը նախկինում Իսրայելի ռազմական հետախուզության ղեկավարն էր։

Նշենք, որ թուրքական նավի վրա 2010–ին Իսրայելի բանակը հատուկ ջոկատայինների դեսանտ էր իջեցրել, ինչը երկու երկրների միջև դիվանագիտական հարաբերությունների խզման պատճառ հանդիսացավ։