Հոնգ-Քոնգում վաճառքի է հանվել բացառիկ «մարսյան» ադամանդը

Հոկգ-Քոնգյան աճուրդում շուտով վաճառքի կհանվի ամենամեծ վարդագույն ադամանդներից մեկը, որի գինը կարող է կազմել 8-12 միլիոն դոլար։

«Մարսյան վարդագույն» ադամանդի կշիռը կազմում է մոտ 12 կարատ։ Ամերիկյան ադամանդագործ Ռոնալդ Ուինսթոնը այդ անունն ադամանդին տվել էր դեռ 1976 թվականին՝ նշելով Մարս մոլորակ NASA ընկերության կողմից արբանյակի արձակումը։

Այս ադամանդի հետ համեմատվել կարող է միայն «Ուիլյամսոնի վարդագույն» անունը կրող քարը, որի կշիռը 23.6 կարատ է և պատկանում է Բրիտանիայի թագուհուն։

Իմիջիայլոց, վերջինս երբեք վաճառքի չի հանվել, քանի որ այն գտնվել է Տանզանիայում և նվիրվել թագուհուն 1947 թվականին արքայազն Ֆիլիպի կողմից։ Ավելի ուշ դրանից ապարոշ են կերտել։

Christie's աճուրդի տունը վստահեցնում է, որ սա ամենամեծն է մինչ այժմ վաճառքի հանված բոլոր ադամանդներից։