«Ղարաբաղի վերքերը» ֆիլմաշարը մեկ սկավառակում

Այսօր տեղի ունեցավ յոթ վավերագրական ֆիլմերից բաղկացած «Ղարաբաղի վերքերը» ֆիլմաշարի շնորհանդեսը, որի հեղինակն է հռչակավոր բուլղարացի ռեժիսոր Ցվետանա Պասկալևան։

«Իննսունմեկ թվականին ասպիրանտուրայում էի սովորում, ես կինոներ եմ նկարել Հարավային Օսեթիայում։ Երբ լսեցի Ղարաբաղի մասին, դեռ ոչ մի բան չգիտեի դրա մասին: Հասցրեցի Մոսկվայում ծանոթանալ պատմությանը, սովորեցի։ Չէի սպասում տեսնել այն, ինչ տեսա Գետաշենում. այնտեղ արդեն բնակություն էին հաստատել մի քանի ադրբեջանցի ընտանիքներ։ Տպավորություն այնպիսին էր, որ բարբարոսի ոտքն է եղել այդ կողմերում։ Վարդան Հովհաննիսյանի հետ մեծ դժվարությամբ հարցազրույց արեցի ու նվիրեցի այն բոլոր հեռուստաընկերություններին...»:

Բուլղարացի ռեժիսորը չի փոշմանել, որ այս գործի համար թողել է ասպիրանտուրան, որովհետև քսան տարի անց նա հասկացել է, որ իր ուսերին մեծ պարտավորություններ էին դրված, ու նա չէր կարող ոչ ոքի հույսը չիրականացնել։