Ոստիկանությունը պակիստանցիներին փրկել է մահապատժից

Կանանց և տղամարկանց պարելու և երգելու մեջ մեղադրելու և նրանց հանդեպ մահապատժի որոշում կայացնող մոլլան ձերբակալվել է տեղի ոստիկանության կոմից, հաղորդում է Ինտերֆաքս գործակալությունը։ Բոլոր դատապարտյալները կենդանի են մնացել։

Հիշեցնենք, որ ոստիկանները, իմանալով առանց իշխանությունների գիտության տեղի ունեցած դատավարության մասին, կասկածել էին, որ այս որոշումը միջցեղային թշնամանքի հետևանք է։

Այժմ մոլլան և իր օգնականը գնվում են կալանքի տակ։ «Ոստիկանությունը ձերբակալել է նրանց մահվան դատավճիռ կայացնելու համար, սակայն վերջիններս ժխտում են իրենց մեղքը», - հայտարարել է տեղի իշխանությունների ներկայացուցիչ Աքալ Բադշահ Հատաքը, և ավելացրել, որ աղջիկների կյանքին ոչինչ չի սպառնում։

Ոստիկանության ներկայացուցիչն ասել է, որ տեսագրությունը մոտնտաժված է և երևում է, որ բոլորը եղել են իրարից առանձին։

Մոլլայի որոշմամբ, պարերին ներկա գտված տղամարդիկ պիտի մահապատժի ենթարկվեն առաջինը, սակայն վերջիններս փախուստի են դիմել դեպի լեռները, իսկ որոշման կայացումը հետաձգվել էր։ Այդ միջոցին մոլլային ձերբակալել է ոստիկանությունը։

Մարդու իրավունքների պաշտպանության կազմակերպությունների տվյալներով 2011 թվականի ընթացքում Պակիստանում նվազագույնը 943 կին և անչափահաս աղջիկ է մահապատժի ենթարկվել «ընտանիքի պատիվը ոտնահարելու» մեղադրանքով։ Մահապատիժների մեծամասնությունն այս պահպանողական մուսուլմանական երկրում իրականացվել է առանց պաշտոնական իշխանության գիտության։