Պայթել է Ադրբեջան–Թուրքիա գազատարը

Պայթել է Ադրբեջան–Թուրքիա գազատարի Կարսի մարզի Սարիղամիշ քաղաքով անցնող հատվածը, հաղորդում է 1news.az–ը։

Պայթյունից առաջացած 60-70 մետր բարձրությամբ հրդեհը հնարավոր է եղել տեսնել հարևան գյուղերից ու շրջաններից։

Սարիղամիշի գյուղապետը հայտնել է, որ նախապես կարծել են, թե հրդեհը բռնկվել է Բաքու-Թբիլիսի-Ջեյհան նավթատարում, սակայն հետո պարզվել է, որ միջադեպը տեղի է ունեցել՝ «Շահդենիզ» հանքավայրից գազ փոխադրող Բաքու-Թբիլիսի-Էրզրում գազատարում։

Ներկայումս ճշտվում է հրդեհի պատճառը։ Դեպքի վայրում հետաքննություն է անցկացվում, որի արդյունքների վերաբերյալ մանրամասն տեղեկատվություն կներկայացվի։ Դրա հետ մեկտեղ, չի բացառվել նաև ահաբեկչության փորձը։