Հնագետները Հոնիական ծովում երեք հին նավ են հայտնաբերել

Օվկիանոսաբանները Հոնիական ծովում ջրասույց եղած երեք հնագույն նավ են հայտնաբերել, երբ զննելիս են եղել Հունաստանից Իտալիա տանող գազատարի անցկացման ստորջրյա ուղին, հաղորդում է РИА «Новости»-ն։ Հունաստանի մշակույթի նախարարության հովանավորության ներքո աշխատող հնագետների խումբը հետազոտում էր Կորֆու և Պակսոս կղզիների միջակայքում մոտ 200 քառակուսի մետր մակերեսով տարածք։

Նավերից մեկը, ինչպես պարզվել է, առևտրական էր և վերաբերում է մ.թ. երրորդ դարին։ Դրանում հայտնաբերվել են հին սափորներ, մարմարե անոթ և մի քանի խարիսխ։

Մյուս նավը, կրկին այդ ժամանակների, խորտակվելու ժամանակ տեղափոխելիս է եղել քարե սալիկներ, սպասք և մետաղական առարկաներ։ Իսկ երրորդ նավը սուզվել է XVI-XVII դարերում։

Գիտնականները նշել են, որ անտիկ ժամանակաշրջանի նավեր առաջին անգամ հայտնաբերվել են մեծ՝ ավելի քան մեկ կիլոմետր խորությունների վրա։ Դա ժամանակին ցրել էր այնսխալ համոզմունքը, թե հին ժամանակներում մարդիկ ծովային ճանապարհորդություններն իրականացնում էին ափամերձ համեմատաբար սաղր հատվածներում։