Դադարեցվել է ադրբեջանական գազի մատակարարումը Թուրքիա

Թուրքական հատվածում պայթյունի հետևանքով դադարեցվել է Բաքու-Թբիլիսի-Էրզրում գազատարով իրականացվող ադրբեջանական գազի Թուրքիա մատակարարումը, հաղորդում է Trend գործակալությունը։

Նշենք, որ գազատարի թուրքական հատվածը ղեկավարվում է Botas ընկերության կողմից։ Մատակարարումների դադարեցման փաստը հաստատել են նաև BP-Azerbaijan-ում։ Ընկերությունում հայտնել են, որ մատակարարումները դադարեցվել է Botas-ի խնդրանքով։

Հիշեցնենք, որ Կարսի մարզի Սարիղամիշ քաղաքի հատվածում պայթել էր Ադրբեջանից Թուրքիա մատակարարվող գազատարի հատվածը։