«ՀՀ–ում գյուղատնտեսությունը վտանգավոր գոտում է գտնվում». Վահագն Խաչատրյան

«Հրանտ Բագրատյանի վարած քաղաքականության մասին խոսելով` պետք է նկատի ունենանք, որ այդ քաղաքականությունն իր ավարտին չի հասել»,– այսօր լրագրողների հետ հանդիպման ժամանակ իր դիտարկումով հանդես եկավ նախկին քաղաքապետ Վահագն Խաչատրյանը:

Նա, անդրադառնալով գյուղատնտեսության հիմնախնդիրներին, նշեց. «Հրանտ Բագրատյանն ասում էր, որ հողը պետք է լինի գյուղացուն, սակայն Հայաստանի գյուղացիական տնտեսությունը պետք է ունենա ակցենտներ, և գյուղացին, իրականում՝ պետության օգնությամբ պետք է կարողանա իրացման հարցը լուծել: Այս ամենն այս իշխանությունների կողմից որպես վարած քաղաքականություն չի եղել: ՀՀ-ում գյուղատնտեսությունը ապահովագրական առումով վտանգավոր գոտում է գտնվում: Մենք ուզում էինք այս հարցը մեր ծրագրում ներառեինք, բայց արդեն առաջանում է ապահովագրողների հարցը»։