Սիրայում ռազմական գործողություններ սկսվելու դեպքում Իրանը կհրթիռակոծի Իսրայելը. Ալի Լարիջանի

Եթե արևմտյան երկրները ռազմական գործողություններ սկսկեն Սիրիայում, ապա Իրանը կհրթիռակոծի Իսրայելը։ Նման հայտարարություն է արել Իրանի խորհրդարանի նախագահ Ալի Լարիջանին։ Ինչպես հաղորդում է Курсор կայքը, բանախոսը լրագրողի հարցին պատասխանել է, որ «ամբողջ աշխարհի կողմից Սիրիայի շուրջ բարձրացված ալիքը ուղղված է միայն ռազմական միջամտության ճանապարհով սիրիական ճգնաժամից դուրս գալու հեռնկարին»։

Ըստ նրա, ԱՄՆ–ը ամեն դեպքում չի կարողանում հասկանալ, թե ինչ է կատարվում տարածաշրջանում։

«Սիրիան չի կարելի համեմատել Լիբիայի հետ։ Դամասկոսը «երկրորդ Բենղազի» դարձնելու ալիքը կհասնի նաև Պաղեստին։ Մոխիրն ու կրակն ի վերջո կհասնի նաև սիոնիստական ռեժիմին», – ասել է Լարիջանին։

Միևնույն ժամանակ, ՄԱԿ–ում ԱՄՆ–ի ներկայացուցիչ Սյուզան Ռայսը հայտարարել է, որ սիրիական ճգնաժամի կարգավորման 3 սցենար գոյություն ունի։ Առաջինը՝ դա դիվանագիտական ճանապարհն է, երկրորդը՝ Սիրիայի իշխանության դեմ ՄԱԿ–ի Անվտանգության խորհրդի պատժամիջոցներն են, և երրորդը՝ լայնածավալ ռազմական գործողություններ սկսելն է, որի հետևանքերը կզգան տարածաշրջանի բոլոր երկրները։