Google-ի որոնման արդյունքները տպագրել են գրքի տեսքով

Բրիտանական արվեստագետներ Ֆելիքս Հեյսը (Felix Heyes) և Բեն Ուեսթը (Ben West) տպագրել են մի գիրք, որում բաղարկվել են անգլերեն բառարանի բառերը Google որոնողական ցանցի պատկերային արդյունքների հետ, հաղորդում է The Verge-ը։

Գրքում ներառվել է 21 հազար բառ. իսկ ծավալը կազմել է 1240 էջ։ Գրքի ձևավորման համար հեղինակները հատուկ ալգորիթմ են գրել, որը վերցնում է Google որոնողական ցանցի՝ տվյալ կոդային բառի արդյունքներից առաջին պատկերը։ Մյուս ալգորիթմով բոլոր նկարները բաշխվել են 3 սյունակով և վերածվել pdf ֆայլի, որն էլ հետագայում տպվել է «Google» վերնագրով։

Ինչպես նշում է Creative Applications կայքը, Ուեսթը խոստովանել է, որ գրքերի մոտ կեսն անախորժ բժշկական լուսանկարներ են, պոռնոգրաֆիա, ռասիզմ և «կեղտոտ մուլտֆիլմեր»։ Արվեստագետը ստացված ժողովածուն անվանել է 2012 թվականի դրությամբ մարդկային մշակույթի «չֆիլտրված արտացոլքը»։

Գիրքը չի վաճառվում, սակայն դրա ստեղծողները պլանավորում են կազմակերպել այդ։ Արվեստագետների կայքում դեռևս միայն տեսանյութն է, որում արագացված ռեժիմով պատկերված են գրքի բոլոր էջերը։