«Ժողովուրդ». Սերժ Սարգսյանի խորհրդականը սպորտի և երիտասարդության նախարա՞ր

Տեղեկություններ կան, որ Սերժ Սարգսյանի խորհրդական Յուրի Վարդանյանն իր շրջապատի մոտ հայտարարել է, թե շատ է ցանկանում ղեկավարել ՀՀ սպորտի և երիտասարդության նախարարությունը: Նա նշել է, որ ինքն այդ կարողությունն ունի գերատեսչությունը ղեկավարելու համար: «Ժողովուրդ»-ը զրուցել է Վարդանյանի հետ՝ պարզելու լուրի իսկությունը: Սերժ Սարգսյանի խորհրդականն ասել է, որ իրեն դեռևս նման առաջարկ չեն արել.

«Ես ասեմ, որ նախ ես անձամբ չէի ուզենա... Անկեղծ եմ խոսում, ես իմ տեղում ինձ ավելի լավ եմ զգում, բայց եթե նախագահը, օրինակի համար, ինձ ասի՝ պետք է, որ դու գնաս, ես չեմ հրաժարվի, ո՞նց պետք է հրաժարվեմ, եթե մենք նրա զինվորներն ենք: Ինքը վերևից ավելի լավ է տեսնում, թե ոնց է պետք ղեկավարել այս երկիրը, եթե ինքը նման որոշում կայացնի, ես իրեն չեմ մերժի»: