«Չորրորդ ինքնիշխանություն». Լավ պրծանք, նախարար չդարձանք, թե չէ, արի նորից անցավ գլուխդ ցավի տակ դիր. Կարեն Ճշմարիտյան

«ՉԻ» աղբյուրների փոխանցմամբ, ԱԺ հինգերորդ գումարման անդրանիկ նիստի բարեհաջող ավարտից հետո ՀՀԿ-ական Կարեն Ճշմարիտյանը, որն այս ընթացքում նախարարական հովերով էր տարված, երեկ ուշ երեկոյան իր շրջապատին հրավիրել է «Ակունքի Դրախտ» ռեստորանային համալիր` «մաղարիչ» անելու: Ըստ «ՉԻ» տեղեկությունների` Ճշմարիտյանի գցած «մաղարիչի» սեղանին մասնակից են եղել նրա մտերիմ ընկերներն ու հատկապես պղնձի ու մոլիբդենի արտադրության մեջ հայտնի դեմքերը, որոնցից շատերի հետ Ճշմարիտյանը տարին տասներկու ամիս գործի բերումով շփվում է: Թաքնված գործարար-պատգամավորի հրավիրյալ կազմի մեջ են եղել «Էներգո» կոմպլեքս ընկերության գլխավոր տնօրեն Կարեն Կարապետյանը, «Մաքուր Երկաթի» սեփականատեր Գենիկ Կարապետյանը, «Գեո Մայնինգ» ընկերության ղեկավար կազմից ևս մի քանիսը: Ասում են` Ճշմարիտյանը իր սեղանակիցների ներկայությամբ մի լավ ճառ է ասել ՀՀԿ-ի պատվին, այնուհետև նշել. «Լավ պրծանք, նախարար չդարձանք, թե չէ, արի նորից անցավ գլուխդ ցավի տակ դիր»: